Le tlima y la vita dan da 140 miliuns d'agn

.Le titul scientifich: MULTITASKING: AN INTEGRATIVE HIGH RESOLUTION PROJECT. Macro- and Microfossils, Isotopes, Litho-, Cyclo-, Magneto-and Biostratigraphy as Tools for Investigating the Lower Cretaceous within the Dolomites (Southern Alps, Northern Italy) - THE PUEZ AREA AS A NEW KEY REGION OF THE TETHYAN REALM

Tl 2008 él pié ia n proiet dla dörada de trëi agn finanzié dla Fondaziun austriaca por l'archirida FWF (proiet P20018-N10) y coordiné dal dot. mag. Alexander LUKENEDER dl Naturhistorisches Museum de Viena. Ara se trata de na cooperaziun danter le Naturhistorisches Museum y le Museum dla Natöra de Südtirol. 22 scienziês che vëgn da 7 stac desvalis ejaminarà te chësc proiet le tlima y la vita tl raiun dles Dolomites d'al dedaincö tratan le tëmp dla Crëda.


Ressümé dl proiet
 .Tratan la Crëda bassa (dan da zirca 145-100 miliuns d'agn) ê le raiun dl mer mediteran d'al dedaincö partì sö sön microplates tetoniches amez l'Ozean dla Tetida, danter le continënt african y chël europeich. Al dedaincö ciafon tröpes sedimentaziuns dla Crëda tles Alpes a süd, spezialmënter tles Dolomites. Suradöt le raiun de Pöz pêl che ais albü na posiziun tlé tles Dolomites tratan chësta perioda.

Por arjunje resultac fidabli y de ampla relevanza val debojëgn ch'al vëgnes laurè cun mesi dër desvalis, sciöche i isotops, la stratigrafia magnetica, la stratigrafia ziclica adöm cun grups de fossii sciöche amonic, belemnic, brachiopog y ince microfossii sciöche radiolars o foraminifers, o indere ince nanofossii. Cun le coliamënt de dötes chëstes dates sciafion da se fà n'imaja valgamia completa dles variaziuns dl livel dl mer tratan la Crëda bassa, aladô ch'an po ince fà ipoteses söl paleotlima. I scienziês s'aspeta implü de ciafè dates plü monüdes sön la biostratigrafia y dates assolutes sön l'eté.

Les respostes che le team incër le dot. Alexander Lukeneder chir é de carater tlimatich, geodinamich, paleoozeanografich y paleobiologich. Suraprò ôn abiné adöm informaziuns por odüdes nöies dl'ambiënt de vita y dla paleobiologia dla Crëda. Por arjunje döt chëst mëss i stüdi ester basês sön na colaboraziun interdisciplinara de scienziês di seturs plü desvalis. L'impëgn é chël da mëte impé, tl cör dl'Europa, na seziun-tlé nöia por l'eté dla Crëda.


Le team
Coordinadù dl proiet: Dot. Alexander LUKENEDER, Naturhistorisches Museum, Viena

Dot.a Daniela BOOROVA, Geological Survey of the Slovak Republic, Bratislava, Slovachia
Dot. Fabio FLORINDO, Istituto Nazionale di Geofisica e Vulcanologia (INGV), Roma, Talia
Dot.a Ursula GÖHLICH, Naturhistorisches Museum Wien, Austria
Dot. Peter A. HOCHULI, Paläontologisches Institut und Museum, Turic, Svizera
Dot. Nico M. M. JANSSEN, Nationaal Natuurhistorisch Museum, Leiden, Olanda
Dot. Andreas KROH, Naturhistorisches Museum Wien, Austria
Dot.a Evelyn KUSTATSCHER, Museum dla Natöra de Südtirol, Balsan, Talia
Dot. Jiri KVACEK, National Museum, Praga, Republica Ceca
Dot. Werner PILLER, Karl Franzens Universität Graz, Austria
Dot.a Isabelle PRIMOLI SILVA, Dipartimento di Scienze della Terra, Milano, Talia
Dot.a Daniela REHÁKOVÁ, Faculty of Natural Sciences, Bratislava, Slovachia
Dot. Felix SCHLAGINTWEIT, Montanuniversität Leoben, Austria
Dot. Ortwin SCHULTZ, Naturhistorisches Museum Wien, Austria
Mag. Miroslava SMRECKOVA, Slovak Academy of Sciences, Bratislava, Slovachia
Dot. Mario SPROVIERI, Università di Palermo, Palermo, Talia
Dot. Jaroslaw STOLARSKI, Institute of Paleobiology, Warschau, Polonia
Dot. Michael WAGREICH, Institut für Erdwissenschaften Wien, Austria

Aconsiadus scientifics
Dot. Adrian IMMENHAUSER, Ruhr-Universität Bochum, Germania
Dot. Benno BAUMGARTEN, Museum dla Natüra de Südtirol, Balsan, Talia
Dot. Lorenz KEIM, Ufficio Geologia e Prove Materiali, Balsan, Talia
Dot.a. Evelyn KUSTATSCHER, Museum dla Natöra de Südtirol, Balsan, Talia
Dot. Christian ASPMAIR, Prissian, Talia
Dot. Helmut WEISSERT, ETH Zentrum, Turic, Svizera

Parcs naturai
Dot. Arthur KAMMERER, Ofize por i parcs naturai, Balsan, Talia
Dot. Valentin SCHROFFENEGGER, Ofize por i parcs naturai, Talia