Geologia
Le tlima y la vita dan da 140 miliuns d'agn
3_thumbnailjpg.jpg)
Tl 2008 él pié ia n proiet dla dörada de trëi agn finanzié dla Fondaziun austriaca por l'archirida FWF (proiet P20018-N10) y coordiné dal dot. mag. Alexander LUKENEDER dl Naturhistorisches Museum de Viena. Ara se trata de na cooperaziun danter le Naturhistorisches Museum y le Museum dla Natöra de Südtirol. 22 scienziês che vëgn da 7 stac desvalis ejaminarà te chësc proiet le tlima y la vita tl raiun dles Dolomites d'al dedaincö tratan le tëmp dla Crëda.
La flora dl Perm tl Bletterbach-Butterloch
Scovertes de plantes fossilisades dl Perm südalpin conëscion dal 19ejim secul incà, ince sce deplü auturs à tres indô critiché ch'ares é conservades mal. Te Südtirol àn scovertes dal tëmp dla pera da saorun de Gherdëina; ciafè ne n àn a Auer y sön la Munt de Suc, i posc de scoverta plü conesciüs é indere Cuecenes (Gherdëina) y le Blätterbach/Butterloch.
Archeologia dles mineores
Posc olache al gnô fat belo adora l’estraziun de metal: Co y te ci posc gnôl fat te Südtirol ai tëmps de Ötzi estraziun de metal? Ci significhëia i tröc posc de scories tles altöres dles Alpes? Da olà gnô les peres da metal y olà jô i metai che gnô fac? Ci testemoni podunse nos ciafè incö y ci po chisc nes dì? Él lians coles zones dles mineores de Südtirol dl’eté medievala y di pröms tëmps moderns?
De de te’ domandes sön le sfrutamënt preistorich dles mineores y dla metalurgia ôn cun chësc proiet dè val’ stlarimënt.
Paleobotanica tles Dolomites
Scovertes relevantes de corëc de plantes i à portè na sbürla nöia ala paleobotanica dles Dolomites. Na pert dl material, dantadöt dl Trias bas y alt (Anîs, Ladin) é gnü laurè sö y à condüt a conescënzes nia preodüdes de na flora cotan plü rica de sorts co che an n’â impröma aratè.