Biblioteca
Zënza biblioteca degöna archirida. Le museum desponn de na biblioteca spezialisada che vëgn atualmënter consultada suradöt dai colauradus por so laûr. N gran pëis i dà la biblioteca ala leteratöra internazionala söla sistematica scientifica y ales publicaziuns spezialisades söla naturalistica regionala y söla museologia (teoria di museums, organisaziun, tecnica, conservaziun di esponac, preparaziun y i.i.). Le museum i dà n pëis particular ala cumpra de publicaziuns storiches importantes, danter chëstes ince publicaziuns periodiches.
Dl 2004 é l’inventar dla biblioteca dl museum aumentada de 1.456 unitês mediales (abonamënc de revistes y barat de scric é stlüc fora dala cumpëda). Atualmënter à la biblioteca dl museum n inventar de plü de 5.000 unitês mediales (abonamënc a revistes y barac de scric é stlüc fora dla cumpëda). Laprò röiel zirca 4.000 separata. L’inventar de revistes spezialisades é aumentè dassënn dal 2004 incà tres le barat internazional de sföis cun la “Gredleriana“ y cun “Geo.Alp“. Atualmënter él a desposiziun indöt 430 publicaziuns periodiches.